Salta al contenuto

Nuove tecnologie

Azioni e attività

Il miorament in clâf tecnologjiche dai ambients e dai spazis di vite al rapresente un setôr strategjic pal disvilup dal teritori, individuât te Strategjie di Specializazion Inteligjente Regjonâl (S3) dentri de aree clamade par inglês "Smart Health” e frontât midiant dal sostegn e de partecipazion a iniziativis e a progjets di inovazion tecnologjiche. 

La Regjon e sosten e e finanzie progjets di ricercje e di disvilup in colaborazion tra impresis, universitâts e altris organisims di ricercje par realizâ prodots, procès o servizis inovatîfs di introdusi sul marcjât. Intal 2018 si previôt la conclusion dai progjets standard dal prin bant 2016, e la aprovazion e l'inviament di gnûfs progjets riferîts al bant aprovât intal 2017.

Par vê plui informazions:

La Regjon e partecipe al Program, clamât par inglês Active Assisted Living, indreçât a creâ lis miôr cundizions di vite pes personis anzianis e a rinfuarçâ lis oportunitâts di disvilup economic e industriâl, ancje cun respîr internazionâl, intal setôr di riferiment.

Par vê plui informazions:

Il Consei e la Zonte regjonâl, in colaborazion cul JRC a àn organizât - come programât - un event che al à cjapât dentri il Sisteme regjonâl de ricercje e rapresentants di altris Conseis regjonâi talians. L'event si è disvilupât intal ambit des azions previodudis dal Protocol di intese tra Regjon e JRC e al à rapresentât la continuazion des iniziativis realizadis cu la edizion 2016 “Science meets Regions” (“La sience e incuintre lis regjons”) che e à puartât a adotâ la Cjarte regjonâl sul Invecjament atîf.

La edizion dal mês di Zenâr dal 2018 e je stade la ocasion par presentâ la metodologjie e i prins risultâts dal lavôr sinergjic tra Regjon, Ents di ricercje e JRC su la cualitât di vite de popolazion anziane e sul invecjament atîf, focalizantsi sul teme dal Alzheimer.

Par vê plui informazions:

  • Cjarte regjonâl sul Invecjament atîf
  • Il Centri comun di Ricercje de Comission europeane (JRC) al furnìs une poie sientifiche e tecniche ae progjetazion, al disvilup, ae atuazion e al control des politichis de Union europeane. Al è finanziât in maniere direte de Union europeane.

Al ven consolidât chest Portâl, nassût cul intindiment di dâ visibilitât a iniziativis, ativitâts e intervents publics e dal privât sociâl che a vegnin fats sul teritori regjonâl pe promozion dal invecjament atîf. Si sosten la incressite de partecipazion di Ents e di associazions cun incuintris di formazion e cun iniziativis promozionâls di bande de Redazion dal portâl, ancje cu la colaborazion di INSIEL, par facilitâ e aumentâ il coinvolziment ae vite dal sît web dedicât.

Al è previodût l'ûs dal indiç di Invecjament Atîf (par inglês, Active Ageing Index-AAI) par rilevâ e par monitorâ dâts e informazions buinis par indreçâ in maniere eficace politichis e strategjiis di intervent te nestre regjon.

Par vê plui informazions:

News / Eventi in evidenza