Salta al contenuto

Salute e benessere

Azioni e attività

La Regjon, intune otiche di prevenzion, e met in vore intervents e azions par limitâ la ospedalizazion des personis anzianis e il lôr inseriment in struturis residenziâls. La leç che e promôf l'invecjament atîf e favorìs protocoi operatîfs tra lis associazions e campagnis specifichis di informazion e di sensibilizazion.

Lis Aziendis pe Assistence Sanitarie, in colaborazion cul tierç setôr e cul mont dal associazionisim a son impegnadis in progjets che a àn l’obietîf di cambiâ il stîl di vite par vivi di plui e in salût, promovint in particolâr une alimentazion sane, ancje intervignint inte ristorazion coletive, inte prevenzion dal colâ e inte promozion de ativitât fisiche.

 

La Regjon Friûl-Vignesie Julie e met in vore sistemis di control sanitari e studis epidemiologjics par incressi la comprension su la salût e sul benstâ des personis midiant di sistemis di rilevazion su usancis, stîi di vite e fatôrs comportamentâi che a puedin jessi pericolôs, doprant cuistionaris e misurazions diretis fatis di operadôrs sanitaris a nivel regjonâl.

P.A.S.S.I. D'ARGENTO e je indreçade ae popolazion cun plui di 64 agns e e cjape sù informazions su aspiets sociâi, sanitaris, sul stât di salût, su la cualitât de vite percepide e su lis usancis de popolazion anziane dal teritori di Triest.

Par vê plui informazions:

 

Promozion de ativitât fisiche (Program Cuint dal Plan Regjonâl Prevenzion). La Regjon e valorize la sinergjie cu lis associazions presintis sul teritori e cui ents locâi, par sostignî e par promovi progjets di promozion de ativitât fisiche ancje inte otiche di un invecjament atîf e in salût, obietîfs cjapats dentri inte suaze di un acuardi di colaborazion tra la Regjon, Federsanità ANCI e associazions indreçadis prin di dut aes fassis di etâts anzianis (AUSER, ANTEAS, e altris).

  • Il Program di Promozion de ativitât fisiche metût intal Plan Regjonâl Prevenzion al previôt la sensibilizazion dai miedis sul probleme de obesitât e de sedentarietât, e su la impuartance che lôr a dedin conseis e motivazions ai pazients, sedi anzians che plui zovins, sul fâ ativitât fisiche. Al è stât elaborât un document pandût ai operadôrs sanitaris "L'esercizi fisic in dutis lis etâts pal benstâ e pe salût". E je stade inviade une campagne di promozion de ativitât fisiche, midiant de difusion di un volantin informatîf "Le pillole del movimento".

Par vê plui informazions:

Alimentazion e salût: promozion di une alimentazion sane, sigure e sostignibile (Program Decim cuint dal Plan Regjonâl Prevenzion). La Regjon e sosten il disvilup di intesis e di acuardis cun sogjets no sanitaris, come il setôr des impresis alimentârs.

PromoTurismoFVG al da agjevolazions su lis tarifis skipass regjonâls aplicadis in dutis lis stazions schiistichis aes personis cun plui di 65 agns, previodint cun di plui la gratuitât pes personis cun plui di 75 agns e par chês cun disabilitât.

Par vê plui informazions:

 

La Regjon e promôf lis ativitâts, i progjets e lis iniziativis di socializazion fatis a nivel locâl, tant che forme di contrast ae solitudin des personis anzianis, previodint la pussibilitât di incuintri e di scambi cui zovins.

 

 

La Regjon e à previodût inte programazion anuâl dal servizi sanitari e sociosanitari une serie di intervents intai cjamps de assistence primarie, des ativitâts clinichis assistenziâls, dal rapuart cui citadins cun riferiment ancje a ativitâts specifichis pal invecjament atîf.

In particolâr, la Regjon e sigure in maniere omogjenie su dut il teritori la prevenzion e il tratament des patologjiis odontoiatrichis. Il program di odontoiatrie sociâl al previôt ancje il tratament e la inserzion di protesis no fissis ai pazients cun plui di 65 agns.

Par vê plui informazions:

La Regione ha previsto nella programmazione annuale del servizio sanitario e sociosanitario una serie di interventi nei campi dell'assistenza primaria, delle attività clinico assistenziali, del rapporto con i cittadini con riferimento anche ad attività specifiche per l'invecchiamento attivo.

In particolare, la Regione assicura in maniera omogenea su tutto il territorio la prevenzione ed il trattamento delle patologie odontoiatriche. Il programma di odontoiatria sociale prevede anche il trattamento e l'inserzione di protesi rimovibili ai pazienti ultrasessantacinquenni.

Per maggiori informazioni:

News / Eventi in evidenza