Salta al contenuto

Formazione e completamento attività lavorativa

Azioni e attività

La Regjon e valorize e e sosten la formazion, il scambi di cognossincis e lis competencis culturâls, professionâls e tecnologjichis informatichis tra anzians e zovins midiant di finanziaments par progjets speciâi, cun di plui e sosten la formazion dal personâl assegnât ae assistence e la formazion permanente par adults.

Ogni an la Regjon e promôf la pussibilitât di partecipâ al bant Progjets Speciâi par proponi iniziativis in colaborazion cu lis istituzions scolastichis, lis associazions, i ents publics e privâts cence fins di vuadagn e cul mont dal lavôr.

Par vê plui informazions:

 

La Regjon e sosten il progjet realizât dal “Centro regionale di teatro di animazione e di figure” di Gurize in colaborazion cu lis istituzions scolastichis dal teritori par slargjâ lis relazions intergjenerazionâls e la trasmission di cognossincis.

La Regjon e promôf e e finanzie percors di formazion iniziâl e permanente pe cualificazion dal personâl assegnât ae assistence ae persone (OSS) ocupât o di inviâ al lavôr intai servizis residenziâi, semi residenziâi e a domicili. I cors a son a gratis.

Par vê plui informazions:

 

 

La Regjon e poie modalitâts didatichis sperimentâls dentri dai percors di Istruzion e Formazion Professionâls, par favorî il scambi di esperiencis e il trasferiment intergjenerazionâl (par esempli in cusine, tornant a scuvierzi savôrs antîcs e mûts di fâ di mangjâ; te buteghe dal marangon, scambi di esperiencis e pratichis di lavorazion; in agriculture, scambi di esperiencis e pratichis di culture). Intai bants a vignaran dadis indicazions su chescj temis.

Par vê plui informazions:

Dentri dai percors previodûts dal Program specific 64/17 a son previodudis misuris integradis di politiche ative dal lavôr intal ambit dai Bens culturâi, artistics e dal Turisim. Cu la colaborazion dai ents di formazion si fasarà un modul formatîf in teme di acessibilitât e fruibilitât dal patrimoni artistic e culturâl o dal turisim acessibil, in corelazion cui principis de progjetazion universâl.

Par vê plui informazions:

La Regjon ogni an e finanzie lis ativitâts di formazion permanente, ancje di caratar internazionâl, fatis des Universitâts de LiberEtà e de Tierce etât.

Par vê plui informazions:

La Regjon, in atuazion de gnove leç, e poie lis Universitâts de Tierce etât e de LiberEtà che a realizin ativitâts intal ambit dal aprendiment no formâl.

Par aprofondiments:

La Regjon e promôf percors di formazion di docents pe alfabetizazion digjitâl a pro des personis anzianis pal ûs dai servizis ufierts online de Aministrazion regjonâl. La conession a internet par cheste formazion e je gratuite intes sedis comunâls (bibliotechis, salis par riunions, salis consiliârs, e v. i.).

Par vê plui informazions:

News / Eventi