Salta al contenuto

Info dalla UE

Partecipazioni a Reti europee

L'Ufici di colegament di Bruxelles, insedât tal Servizi relazions internazionâls e infrastruturis strategjichis, al monitore in maniere sistematiche lis iniziativis europeanis di interès potenziâl de Regjon di puartâ su la taule interdirezionâl sul invecjament atîf e ai puartadôrs di interès ( stakeholder ) regjonâi.

Midiant di chest ufici e ven promovude la partecipazion de Aministrazion regjonâl e dai atôrs dal Sisteme Regjon aes ativitâts di rêts europeanis, in maniere di cjapâ eventuâls oportunitâts di finanziament europeanis colegadis al invecjament atîf.

Regional policies for active and healthy ageing ( o ben, Politichis regjonâls pal invecjament atîf e in salût ): rêt nassude sul imprin de colaborazion tra i Uficis regjonâi di Bruxelles di Flandris, Kent ( UK ), Noord Brabant ( NL ), Venit, Friûl-Vignesie Julie, Svezie dal ovest e dal Est, par promovi la adozion su largje scjale di soluzions tecnologjichis e informatichis pal abitâ, a supuart des personis anzianis e par partecipâ in maniere ative aes iniziativis intal ambit de Colaborazion europeane pal invecjament atîf e in buine salût.

Un dai prins risultâts concrets di CORAL e je stade la publicazion on line dal volantin intitulât par inglês “Healthy technology in a regional environment” ( o ben, La tecnologjie pe salût in ambit regjonâl ).

Cheste rêt e costituìs une plateforme utile par promovi la partecipazion a progjetualitâts europeanis e par meti a confront ecosistemis regjonâi a supuart dal invecjament atîf. Intai mês che a vignaran, al è previodût un ampliament des areis tematichis monitoradis midiant CORAL, in mût di calcolâ la salût intal ambit di dut il cicli di vite.

Midiant de rêt CORAL, a son stâts ativâts chescj progjets, finanziâts cun fonts direts de Union europeane: CASA, SMART CARE, ENGAGED e ITHACA.

Par vê plui informazions:

 

  • CASA - “CONSORTIUM FOR ASSISTIVE SOLUTIONS ADOPTION” IN AMBIT “INTERREG IVC
  • SMART CARE - JOINING UP ICT AND SERVICE PROCESSES FOR QUALITY INTEGRATED CARE IN EUROPE”
  • ENGAGED Al è un altri progjet che al cjape dentri tancj dai colaboradôrs di CORAL ( no il Friûl-Vignesie Julie ).

Par aprofondiments:

E vignarà promovude la partecipazion di sogjets regjonâi in ocasion dai brokerage event ( o ben, events di mediazion ) organizâts di cheste rêt in concomitance cu la publicazion dai bants in ambit Horizon 2020.

La session di brokerage event dal 2017 si è davuelte intes zornadis dai 21 e 22 di Novembar e e je stade organizade insiemi cu la rêt CORAL.

Se interessâts a partecipâ, si domande di contatâ l'Ufici di Bruxelles a cheste direzion di pueste eletroniche: uff.bruxelles@regione.fvg.it

ERRIN al rapresente un strument util par favorî la partecipazion di sogjets dal Sisteme Regjon a progjets finanziâts in maniere direte de Union europeane intai setôrs de inovazion e de ricercje, in particolâr a iniziativis intal ambit di Horizon 2020, il principâl program european focalizât su chescj setôrs.

E je une rêt europeane che e met dongje plui di 130 Regjons e e à in particolâr chescj obietîfs:

  • influençâ lis politichis europeanis di ricercje e di inovazion, tignint in considerazion lis esigjencis des singulis realtâts regjonâls;
  • promovi ricercje e inovazion par favorî il disvilup economic teritoriâl e il benstâ sociâl;
  • favorî la creazion di un ecosisteme regjonâl che si interessi di ricercje e di inovazion par supuartâ i puartadôrs di interès ( stakeholder ) regjonâi.

Dentri di cheste rêt a son atîfs 14 grups di lavôr e un grup di policy ( indreçament politic ) che midiant di chel al ven butât jù cualchi “position paper” ( document uficiâl ) in ocasion des consultazions convocadis in maniere periodiche de Comission europeane par influençâ lis politichis europeanis dal avignî e i programs colegâts.

E je previodude la partecipazion aes ativitâts di ERRIN, midiant dal Ufici di Bruxelles e cul coinvolziment di esperts dal teritori, in particolâr ai grups che a tratin ambits che a jentrin tra lis areis tematichis definidis de leç regjonâl sul invecjament atîf, tant che il grup salût, il grup turisim, cun riferiment specific al setôr turisim senior, e il grup “Opening Science”.

Il Pat sui cambiaments demografics al è stât burît fûr a Bruxelles ai 7 di Dicembar dal 2015 dal Comitât des Regjons, cu la poie de Comission europeane e de rêt tematiche creade midiant AFE-INNOVNET, progjet UE dulà che al à aderît ancje il Friûl-Vignesie Julie cul supuart di chê che e jere la Aziende Sanitarie n. 5.

Al met adun autoritâts publichis a nivel locâl, regjonâl e nazionâl, che si son impegnadis a disvilupâ e a implementâ un plan di azion par promovi une societât che e tegni in considerazion lis esigjencis dai anzians, ispirantsi ae Vuide aes citâts a misure di anzian de Organizazion Mondiâl de Sanitât ( OMS ) e ae Declarazion di Dublin 2013 su lis citâts e comunitâts a misure di anzian in Europe.

Altris parts interessadis tant che universitâts, centris di ricercje, associazions de societât civîl e aziendis a puedin partecipâ al Pat par meti a disposizion la lôr esperience e imparâ dal confront cun altris regjons europeanis.

Par vê plui informazions:

La Regjon, midiant dal Consei regjonâl, e je membri ordenari dal Pat, cun a cjâf il sindic di Udin. La Aziende sanitarie universitarie integrade di Triest e je tra i membris fondadôrs. Ai 19 di Mai e je stade fate li dal Comitât des Regjons la prime assemblee gjenerâl dal Covenant. L'Ufici di Bruxelles, su mandât dal Consei regjonâl, al à partecipât a cheste assemblee.

Partecipazione a Reti nazionali

Chi sot la liste des rêts nazionâls dulà che e partecipe la Regjon Friûl-Vignesie Julie.

Chest program al à l’obietîf di continuâ il lavôr fat dal Progetto Mattone Internazionale - di dulà che al ven – che al è stât operatîf dal 2010 fin al mês di Avrîl dal 2016, promovint la internazionalizazion dai sistemis sanitaris regjonâi cuntun lavôr di rêt fra dutis lis regjons talianis, intal rispiet des singulis strategjiis. Cu la istituzionalizazion dal "Progjet", deventant duncje "Program", la ativitât di coordenament de rêt si è rinfuarçade e, sot de direzion dal Ministeri de Salût, e je stade creade une rêt di referents a nivel regjonâl che e interagjìs cui referents rispetîfs tes sedis di Bruxelles.

Intal ambit di ProMIS al è stât fra chei altris costituît un sot progjet focalizât su la colaborazion europeane sul invecjament atîf. A son atîfs ancje altris grups di lavôr, come un dedicât al turisim sanitari, che fra i destinataris pussibii al pues cjapâ dentri ancje la popolazion anziane.

In chest contest, il ProMIS al vûl meti a confront la «Metodologjie di organizazion dai Sîts di riferiment talians». La Regjon Friûl-Vignesie Julie e je par altri Sît di riferiment pal invecjament atîf cun “trê stelis”, cul obietîf di studiâ i sistemis organizatîfs dai Reference Sites talians descrivint modalitâts atuativis, imprescj e organizazion, par procedi ae definizion di un "model" pussibil par dopo valutâ la eficacitât in tiermins di cuantitât e di cualitât.

Par vê plui informazions:

Il Plan Nazionâl de Ricercje 2015-2020, fat bon tal mês di Mai dal 2016, al ricognòs i clusters tecnologjics nazionâi tant che infrastruture intermedie di soft-governance ( gjestion “lizere” ), rimetint a chê i compits di individuâ strategjiis di ricercje e roadmaps ( plans di azion ) tecnologjics condividûts a nivel nazionâl; supuartâ l'inviament di politichis di poie ae ricercje industriâl e miorâ la eficacitât intal rapuart tra sisteme public de ricercje, industrie e gnove imprenditorialitât.

Il cluster tecnologjic nazionâl TAV al è il pont di riferiment nazionâl in teme di ricercje e di inovazion intal setôr des tecnologjiis pai ambients di vite. Al à prontât il plan di azion ( roadmap ) nazionâl su lis tecnologjiis par costruî e definî i senaris prossims, cul obietîf di contribuî in maniere significative a promovi la competitivitât de industrie taliane, supuartant politichis di poie ae ricercje industriâl e al disvilup sperimentâl, stimolant la capacitât di R&S ( o ben, ricercje e disvilup ) des impresis, ancje di piçule dimension, aumentant la capacitât di coesion e promovint progjetualitât di inovazion trasversâl des filieris. I atôrs regjonâi ( in primis AREA Science Park insiemi a impresis ) a àn contribuît ae redazion dal plan di azion ( roadmap ).

La Regjon Friûl-Vignesie Julie, midiant de Direzion centrâl competente in materie di ricercje, e partecipe al Comitât consultîf ( Advisory board ) dal cluster tecnologjic nazionâl su lis tecnologjiis pai ambients di vite, formât di rapresentants des Aministrazions regjonâls, tant che sede di dialic cui atôrs tecnics dal cluster soredut pe implementazion des S3 regjonâls ( strategjiis regjonâls pe specializazion inteligjente ).

News / Eventi