Salta al contenuto

Sostegn pe famee

Azions e ativitâts

La Regjon e sosten lis fameis favorint il disvilup di rêts familiârs plui amplis pe permanence in cjase de persone anziane, e curant iniziativis di informazion e di formazion pai familiârs.

Al è atîf il Program regjonâl SiConTe par dâ orientament in teme di conciliazion tra timps di vore e timps dedicâts ae cure dai familiârs, che si disvilupe in sportei atîfs sul teritori in colaborazion cui servizis al lavôr regjonâi.

A van indevant ancje intal 2018 lis ativitâts dal Program regjonâl SiConTe che, te volontât di promovi la permanence des feminis intal mont dal lavôr, si propon di dâ orientament e poie in teme di conciliazion tra timps di vore e timps dedicâts ae cure dai familiârs.

La estension dal periodi di ativitât lavorative si riflet di fat sul dopli – e cualchi volte tripli – rûl che lis personis, e soredut lis feminis, a àn dentri des rêts familiârs (lavoradoris, maris, nonis, assistentis di personis anzianis). SiConTe, che si disvilupe midiant di sportei atîfs sul teritori in colaborazion cui servizis al lavôr regjonâi, al ufrìs un servizi di analisi des dibisugnis e di acompagnament inte ricercje di soluzions personalizadis e 'su misure', includût il supuart te sielte eventuâl di vê il jutori di colaboradôrs o colaboradoris familiârs.

Par vê plui informazions:

Il Servizi di assistence domiciliâr e il Fonts pe Autonomie Pussibile a supuartin lis fameis e lis personis anzianis intal contest domiciliâr il plui a lunc pussibil.

L'Aministradôr di Sostegn e i Servizis di teleassistence e di telesocors domiciliâr a jentrin intal cuadri des iniziativis di jutori aes fameis realizadis in sinergjie cui Ambits distretuâi, pe fruizion otimâl dai servizis ae domiciliaritât.

Par vê plui informazions:

L'associazionisim familiâr al è promovût midiant de individuazion e dal finanziament di progjets indreçâts a favorî la autoorganizazion di servizis a supuart dai compits familiârs, educatîfs e di cure, e a promovi la rêt di scambi sociâl tra lis fameis. In particolâr, si favorissin progjets cun ativitâts che a tocjin il scambi e la relazion fra gjenerazions, e progjets sperimentâi proponûts di associazions e rêts di fameis impegnadis te assistence.

Par vê plui informazions: